Lækningaminjasafn í Nesi - Fortíð og framtíð

Læknafélag Íslands og Félag áhugamanna um sögu læknisfræðinnar
halda ráðstefnu á Háskólatorgi Háskóla Íslands
Laugardagur 27. september 2008  kl 9.00 -13.00

Á gömlum  merg: Fundarstjóri:  Atli Þór Ólason formaður FÁSL

9:00 Setning: Sigurbjörn Sveinsson, læknir og fulltrúi LÍ í safnstjórn                       

9:10 Í mjúku moldarskauti – Fornleifar í Nesi: Adolf Friðriksson, Fornleifastofnun Íslands (féll niður).
Í fyrirlestrinum verður gefið almennt yfirlit yfir fornleifarannsóknir í Nesi. Fjallað verður um vitnisburð fornleifafræðinnar um upphaf og þróun byggðar á staðnum.  

9:40 Læknirinn í Nesi: Jón Ólafur Ísberg, sagnfræðingur
Á árunum 1763-1834 var Nes við Seltjörn embættisbústaður landlæknis og þar bjuggu og störfuðu flestir þeir sem gegnu embættinu á þessum tíma. Landlæknir var yfirmaður heilbrigðismála og jafnframt læknir landsmanna,fyrst allra en síðan að hluta. Hvað gerði læknirinn í Nesi og var einhver árangur af starfi hans?

10:10 Jarðneskar lækningaminjar frá Nesi: Guðmundur Ólafsson, fagstjóri fornleifa Þjóðminjasafni Íslands
Margir áhugaverðir gripir hafa fundist við fornleifarannsóknir sem farið hafa fram við Nesstofu á undanförnum árum. Einkum gripir sem tengjast starfsemi landlæknis í Nesstofu og þá sérstaklega apótekinu sem þar var starfrækt um tíma. Í erindinu verður gerð grein fyrir ýmsum lækningaminjum em þarna hafa komið úr jörðu og hafa líklega tilheyrt þessu elsta apóteki landsins.

10:30 Kaffihlé

Lækningaminjasafn: Fundarstjóri: Birna Jónsdóttir formaður Læknafélags Íslands

11:00  Saga lækningaminjasöfnunar á Íslandi: Kristinn Magnússon, deildarstjóri Fornleifavernd ríkisins
Árið 1992 var opnuð sýning í Nesstofu á Seltjarnarnesi á völdum gripum úr Nesstofusafni.  Gripum tengdum sögu læknisfræðinnar hafði þá verið safnað skipulega í nær 30 ár.  Rakin verður saga þessarar söfnunar og gerð grein fyrirþætti einstaklinga, félagasamtaka og stofnana í uppbyggingu lækningaminjsafns á Íslandi.

11:20 Hlutverk safna í samtímanum. Söfnin vettvangur allra í nútímanum: Margrét Hallgrímsdóttir, þjóðminjavörður
Í fyrirlestrinum mun ég fjalla um hlutverk safna í samfélagi okkar og samtíð. Hvernig söfn geta tekið geta og jafnvel hafa nú þegar tekið við því  hlutverki að vera hlutlaus vettvangur umræðu samtímans, brú milli tímabila og brú milli sögu, lista og nýsköpunar. Einnig mun ég velta fyrir mér hvar mörkin eigi að liggja þegar kemur að hinni samfélagslegu ábyrgð safna. Hvenær á safn að vera hlutlaus vettvangur og hvenær er við hæfi að vera virkur þátttakandi umræðunnar? Hvernig getur safn styrk samfélag sitt með starfi sínu? Getur safn aukið lífsgæði gesta sinna? Fjallað verður um reynslu Þjóðminjasafns Íslands á þessu sviði.

11:35 Lækningaminjasafn Íslands. Hvert skal stefna? Anna Þorbjörg Þorgrímsdóttir, safnstjóri
Lækningaminjasafn Íslands er miðstöð safnastarfsemi á sviði lækna- og heilbrigðisvísinda. Hlutverk safnsins er stórt og því þarf að sinna af kostgæfni. Að mörgu er að hyggja þegar stefna safnsins er mótuð. Gerð verður grein fyrir þeim hugmyndum sem uppi eru og um leið er spurt: Hvert skal stefnt?

12:00 Panelumræður um stefnumótun og áherslur safnsins og stöðu þess í íslensku safnaumhverfi.

  Ráðstefnan er öllum opin og aðgangur ókeypis.